去日本超市買便當、刺身、壽司，如果你夜晚先去，成日會見到商品貼住：

「20%引」「30%引」「半額」

尤其係臨近關門前，部分即日鮮食更加有機會直接去到：

半價！

所以好多日本人買餸，都會特登等到夜晚先落超市「執平貨」。有啲熱門便當一貼半價貼紙，真係幾分鐘就俾人掃曬。

點解日本超市咁鍾意夜晚減價？

因為便當、壽司、炸物、刺身呢類熟食，好多都係當日製作、當日銷售。與其收舖後報廢，不如逐步減價清貨，所以通常會隨時間越晚，折扣越大。

亦因此出現一種幾有趣嘅日本日常畫面：

有客人企喺附近等職員貼「半額」貼紙。

不過唔同超市、分店同當日貨量，減價時間都唔一樣，唔係晚晚都一定有半價。

 如果你見到一盒原價¥1,000嘅壽司，夜晚變¥500，你會：

A｜即刻掃貨

B｜平係平，但都想食新鮮啲

C｜專登等半價先買 

留言打 A / B / C，睇下有幾多「半額獵人」！